काठमाडौँ । वैदेशिक रोजगारका लागि पोल्याण्ड पठाइदिने भन्दै ठगी गरेको अभियोगमा प्रहरीले एक महिलालाई पक्राउ गरेको छ ।
पक्राउ पर्नेमा काठमाडौँ टोखा नगरपालिका- ३, मनकामना बस्ने ४४ वर्षीया कमला चुँडाल रहेको काठमाडौँ उपत्यका अपराध अनुसन्धान कार्यालयका सूचना अधिकारी एवं प्रहरी उपरीक्षक काजीकुमार आचार्यले जानकारी दिए ।
पक्राउ परेकी निज चुँडालले एक जनालाई पोल्याण्ड लैजाने भन्दै तीन लाख रकम लिई विदेश नपठाई सम्पर्कविहीन भएको पीडितको उजुरीका आधारमा काठमाडौँ टोखा नगरपालिका- ३, मनकामनाबाट गत (सोमबार) पक्राउ गरिएको हो।
उनलाई थप अनुसन्धान तथा कारबाहीको लागि वैदेशिक रोजगार विभाग, ताहाचल काठमाडौँ पठाइएको सूचना अधिकारी आचार्यले बताए।
