काठमाडौँ । पाकिस्तानको ब्रोड पिकमा गएको हिमपहिरोमा परेका आरोहीहरूको शवसम्म उद्धार टोली अझै पुग्न नसकेको अल्पाइन क्लब अफ पाकिस्तान (एसीपी) ले जनाएको छ ।

अल्पाइन क्लबले आइतबार बिहानैदेखि १० जनाको उद्धार टोली परिचालन गरिएको बताएको छ । ड्रोनबाट देखिएका भनिएका शव रहेको स्थान हिमपहिरोको उच्च जोखिम भएको  क्षेत्र रहेकाले उद्धारकर्मीहरू अझै त्यहाँसम्म पुग्न सकेका छैनन् । अहिलेसम्म तीन शव मात्र ल्याइएको छ ।