काठमाडौँ। दुर्गा प्रसाईंले नेतृत्व गरेको ‘नागरिक बचाउ महाअभियान’ ले बिहीबार काठमाडौँको माइतीघरमा प्रदर्शन गरेको छ।
भूमिहीन, सुकुमबासी तथा अव्यवस्थित बसोबासीहरूको अधिकार सुनिश्चित गर्न माग गर्दै महाअभियानका कार्यकर्ता र विस्थापित भूमिहीन सुकुमबासीहरूले माइतीघरमा प्रदर्शन गरेका हुन्।
भूमिहीन र अव्यवस्थित बसोबासीका समस्या समाधान गर्न र उनीहरूको अधिकार प्रत्याभूत गराउन दबाब दिने उद्देश्यले प्रदर्शन आयोजना गरिएको अभियानले जनाएको छ। प्रदर्शनमा सहभागीहरूले सुकुमबासी र अव्यवस्थित बसोबासीलाई बिना विकल्प नहटाउन र उनीहरूको स्थायी व्यवस्थापन गर्न सरकारसँग माग गरेका छन्।
