काठमाडौँ । नेपाली बजारमा आइतबार सुन र चाँदीको मूल्यमा गिरावट आएको छ। नेपाल सुनचाँदी व्यवसायी महासंघका अनुसार आज सुनको मूल्य प्रतितोला ३ लाख ८०० रुपैयाँ कायम भएको छ।
यसअघि शुक्रबार सुन प्रतितोला ३ लाख ९ हजार रुपैयाँमा कारोबार भएको थियो। यस हिसाबले दुई दिनको अन्तरमा सुनको मूल्यमा प्रतितोला ८ हजार २०० रुपैयाँले कमी आएको छ। त्यस्तै, आज १० ग्राम सुनको मूल्य २ लाख ५७ हजार ८९० रुपैयाँ तोकिएको छ।
सुनसँगै चाँदीको मूल्यमा पनि आज गिरावट आएको महासंघले जनाएको छ। आज चाँदी प्रतितोला ४ हजार ८९५ रुपैयाँमा कारोबार भइरहेको छ। गत जेठ २२ गते चाँदीको मूल्य प्रतितोला ५ हजार २३० रुपैयाँ रहेको थियो।
आज चाँदीको मूल्यमा तोलामा ३३५ रुपैयाँले गिरावट आएको हो। महासंघका अनुसार आज १० ग्राम चाँदीको मूल्य ४ हजार १९७ रुपैयाँ कायम गरिएको छ।
