काठमाडौँ । प्रधान न्यायाधीशमा चौथो वरीयताका मनोजकुमार शर्माको नाम सिफारिस भएको असर सर्वोच्च अदालतको पेसी व्यवस्थापनमा देखिएको छ ।
पछिल्लो समय सर्वोच्च अदालत शनिबार र आइतबार सार्वजनिक बिदा दिन थालेपछि बिहान साढे ९ देखि १० बजेभित्र दैनिक पेसी सूची सार्वजनिक हुने गरेकोमा आज सवा ११ बजेसम्म पेसी सूची तोकिएको छैन ।
सर्वोच्चका प्रवक्ता अर्जुनप्रसाद कोइरालाले भने प्राविधिक कारणले मात्रै पेसी सूची तोक्न ढिला भएको बताए । न्यायाधीशहरू जम्मा भएर गोला तान्नुपर्नेमा आज दुई घण्टा ढिला हुँदा पनि पेसी नतोकिएपछि अन्योलको अवस्था देखिएको छ ।
